Shymkentte para alǵan sheneýnik 10 jylǵa sottaldy
«Sybaılas jemqorlyq táýekelderi memlekettik satyp alý rásimderin ótkizý kezinde de tirkelýde. Mysaly ótken aptada Shymkent qalasynda sáýlet jáne qala qurylysy basqarmasynyń basshysy qylmystyq jolmen tabylǵan qarajatqa satyp alynǵan múlki tárkilenip, 10 jylǵa bas bostandyǵynan aıyryldy. Al «InvestStroıProekt LTD» JShS dırektory 10 jylǵa materıaldyq jaýapkershilikpen baılanysty qyzmetpen aınalysý quqyǵynan aıyryla otyryp, 8 jylǵa bas bostandyǵynan aıyryldy», - dedi agenttiktiń asa mańyzdy ister jónindegi tergeýshisi Danııar Bekaıdarov onlaın baspasóz máslıhatynda.
Danııar Bekaıdarovtyń aıtýynsha, olar Shymkent qalasynyń topografııalyq túsirilim boıynsha 49500 ga (1:500 aýqymda) aýmaqtaǵy jumysty memlekettik satyp alý kezinde qylmys jasaǵan. 498 mln teńge somasynda bıýdjet qarajatyn jymqyrý kúdigine ilingen. Sol úshin sottalǵan.
