Shymkentte Ózbekstannyń tórt azamaty ıisten ýlanyp kóz jumdy

ShYMKENT. QazAqparat – Shymkentte Ózbekstannyń tórt azamaty ıisten ýlanyp kóz jumdy, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, qaıǵyly jaǵdaı búgin saǵat 09:22-de Eńbekshi aýdanynda burynǵy Fosfor zaýytynyń aýmaǵyndaǵy temir konteınerde bolǵan. Kóz jumǵan azamattar osy obektiniń qoqystaryn tazalaý úshin jaldanyp jumys istegen.

Aldyn ala boljam boıynsha, konteınerde qonyp júrgen. Ol jerde jylytý qubyrlary bolmaǵandyqtan, ony qatty otynmen jylytyp kelgen. Saldarynan ıisten bes adamnyńtórteýi kóz jumdy, taǵy bireýi emhanada jatyr.

«Oqıǵa ornyna TJD 5 qyzmetkeri, órt synaq zerthanasynyń 2 qyzmetkeri, Polıtsııa departamenti men «QazTransGaz» AQ mamandary jetken. Qazirgi tańda tıisti medıtsınalyq saraptama taǵaıyndaldy», - deıdi baspasóz qyzmeti.