Shymkentte Ózbekstannyń eki azamaty ıis tıip qaıtys boldy
ShYMKENT. QazAqparat - Shymkentte Ózbekstannyń eki azamaty gazdan ýlanyp qaıtys boldy. Qaıǵyly jaǵdaı qalanyń irgesindegi Mártóbe turǵyn alabynda bolǵan, dep habarlaıdy QazAqparat tilshisi.
Oblystyq tótenshe jaǵdaılar depatamentiniń málimetinshe, kórshi eldiń 19 jáne 25 jastaǵy azamattary Mártóbe turǵyn alabyndaǵy jeke ýaqytsha turǵyzylǵan eki qabatty úıde bolǵan. Sol jerde gazdyń ıisine ýlanyp qalypty.
Oblystyq TJD bastyǵy Nurbolat Derbisovtyń sózinshe, qazir shetel azamattarynyń gazdan ýlanyp ajal qushýyna baılanysty sot-medıtsınalyq saraptama taǵaıyndalǵan. Sonyń qorytyndysy boıynsha marqumdardyń qandaı jaǵdaıda qaıtys bolǵany anyqtalady.
Aıta keteıik, jyl basynan beri oblys aýmaǵynda 26 ıisten ýlaný jaǵdaıy tirkelip, 50 adam zardap shekken.
