Shymkentte ózara yntymaqtastyq týraly memorandýmǵa qol qoıyldy

ShYMKENT. QazAqparat – Shymkentte qalalyq Qazaqstan halqy Assambleıasy men Kásipkerler palatasy jáne «Shymkent qalasynyń Azamattyq Alıansy» qaýymdastyǵy túrindegi zańdy tulǵalar birlestigimen ózara yntymaqtastyq jóninde memorandýmǵa qol qoıyldy, dep habarlaıdy QazAqparat tilshisi.

Atalǵan qujat aıasynda a taraptar Qazaqstan halqy Assambleıasy Kásipkerler keńesi men Kásipkerler palatasy arasyndaǵy baılanysty nyǵaıtýǵa, «Halyqtyq brend» jobasyn ilgeriletýge ýaǵdalasty. Osy baǵytta semınarlar ótkizýge, áleýmettik bastamalardy júzege asyrýdaǵy ózekti máseleler boıynsha birlesken sharalar qabyldaýǵa kelisti. Qol qoıý rásimi barysynda Shymkent qalalyq Qazaqstan halqy Assambleıasy tóraǵasynyń orynbasary Muratáli Qalmuratov beıbitshilik pen kelisimniń qazaqstandyq modeliniń negiz quraýshy qaǵıdattaryna, básekege qabiletti jáne qazirgi zamanǵy ultty qalyptastyrýǵa baǵyttalǵan jobalar jóninde baıandady. Óz kezeginde qalalyq Kásipkerler palatasynyń dırektory Nurlan Qabyshtaev pen «Shymkent qalasynyń Azamattyq Alıansy» qaýymdastyq túrindegi zańdy tulǵalar birlestigi prezıdenti Jumaǵalı Bilisbekov el tynyshtyǵy, ekonomıkanyń damýy, áleýmettik salanyń gúldenýi taraptardyń ortaq maqsaty ekenin jetkizdi.

Aıta keteik, qaladaǵy etnomádenı birlestikterdiń múshesi bolyp tabylatyn kásipkerler assambleıanyń «Halyqtyq brend» jobasy aıasynda jastarǵa bıznestegi tájirıbelerimen bólisip, kóptegen qaıyrymdylyq sharalaryna uıytqy bolyp keledi. Bıyl Arys qalasynyń turǵyndaryna kómek kórsetý sharalaryna belsene qatysqan olar eldik pen birliktiń jarqyn úlgisin kórsetti.