Shymkentte óz-ózin tonaǵandar áshkere boldy
ShYMKENT. QazAqparat - Ońtústikte óz zatyn tonaǵandar áshkere boldy. 12 qańtar kúni Saıram aýdandyq polıtsııa bólimine 1983 jylǵy azamat shaǵymdanǵan. Júk kóligi júrgizýshisi Almaty-Tashkent-Termez tas jolynda Folksvagen-Golf mashınasyndaǵy belgisiz top 60 mıllıonnyń temekisin tonap ketkenin aıtqan.
Temeki salynǵan 50 qorapty alǵan kúdiktiler elektroshoker qoldanyp, uryp-soqqanyn da kórsetken.
Jedel izdestirý sharalary barysynda 1980, 1984, 1985 jáne 1996 jylǵy týylǵan 6 kúdikti qolǵa túsken. Olardyń barlyǵy qylmysqa qatystylyǵyn moıyndaǵan. Tekserý barysynda Jambyl oblysynda jeke kompanııanyń qoıma meńgerýshisi bolǵan 1985 jyly týylǵan kúdiktiden iri kólemde temeki jetispeýshiligi anyqtalǵan.
Jymqyrǵan temekilerin tolyqtyrýdy oılaǵan azamat Shymkentke jóneltiletin kompanııa zatyn jolda tonaýǵa bel sheshken. Qoımadaǵy zaty urlanǵan bos qoraptardy da mashınaǵa artqan. Júrgizýshiniń izinshe qylmysty top ta jolǵa shyqqan. Bos qoraptarmen qatar, temeki qosyp urlaǵandar kóp keshikpesten, quzyrly orǵandaǵylardyń quryǵyna ilindi. «Júrgizýshiniń qylmysqa qatystylyǵy tekserilýde» - dedi polıtsııa bólimindegiler. 
Erlan Júnisbaıuly
