Shymkentte oıyn bıznesin uıymdastyrýshynyń bas bostandyǵy 1 jylǵa shekteldi

ASTANA. QazAqparat – Qarjylyq monıtorıng agenttiginiń Shymkent qalasy boıynsha departamenti «Stop ıgra» shuǵyl is-sharasy barysynda zańsyz oıyn bıznesin anyqtady, dep habarlaıdy QazAqparat vedomstvonyń baspasóz qyzmetine silteme jasap.

«Іs-shara aıasynda júıelik bloktar, monıtorlar, noýtbýk, oıyn termınaldary, rýletka oıyn apparaty, chek shyǵaratyn qurylǵy jáne basqa da tehnıka quraldary anyqtalyp, tárkilendi. Іs sotqa joldanyp, zańsyz oıyn bıznesin uıymdastyrǵan azamat kináli dep tanylyp, 1 jyl bas bostandyǵynan shekteý jazasy taǵaıyndaldy», - delingen resmı habarlamada.

Sondaı-aq, organ «Oıyn bıznesi týraly» Zańǵa sáıkes, kazıno men oıyn avtomat zaldary Almaty oblysyndaǵy Qapshaǵaı sý qoımasynyń jaǵalaýynda jáne Aqmola oblysynyń Şýche aýdanynda jergilikti atqarýshy organdar aıqyndaıtyn aýmaqtar sheginde ornalastyrylýǵa jatatynyn eske salady.