Shymkentte otpen oınap júrip ǵımaratty órtep alǵan eki bala qutqaryldy
Qalalyq TJD baspasóz qyzmetiniń málimetinshe, 11 jáne 10 jasar jetkinshekter qurylysy bitpegen ǵımarattyń jertólesinde otpen oınaǵan.
Sol kezde órt shyǵyp, jertóleniń ishi qara tútinge oranǵan. Ekeýi de qara tútinnen eshteńe kórmeı, qoıý tútinge tunshyǵyp qalǵan.
Syrtqa shyǵa almaı qalǵandyqtan bireýi oqıǵa ornyna qutqarý qyzmetin shaqyrǵan.
«Tez arada oqıǵa ornyna mamandandyrylǵan jasaq qyzmetkerleri jóneltildi. Jertólede 6 sharshy metr qoqys janǵan. Tútinge tunshyǵyp, úreıge boı aldyrǵan balalarmen «112» qyzmetkerleri únemi habarlasyp otyrǵan. Jedel kezekshiniń nusqaýy boıynsha balalar ústindegi kıimimen tynys joldaryn jaýyp, barynsha tútinnen qorǵaný amaldaryn jasap otyrǵan. Órtti sóndirýge 3 tehnıka, jeke quramnan 13 adam, apattar medıtsına ortalyǵy brıgadasy jumyldyryldy. Órt saǵat 19.12-de oqshaýlanyp, 19.31-de tolyǵymen sóndirilgen» delingen habarlamada.