Shymkentte ótken jármeńkede 1666 bos jumys orny usynyldy
ShYMKENT. QazAqparat - Shymkenttiń Halyqty jumyspen qamtý ortalyǵy «Ortalyq» saıabaqta bos jumys oryndarynyń kezekti jármeńkesin uıymdastyrdy. Eńbek jármeńkesine qaladaǵy 256 kásiporyn qatysyp, 1666 bos jumys oryndaryn usyndy, dep habarlaıdy QazAqparat HAA tilshisi.
Atap aıtqanda, bilim salasy - 220, densaýlyq saqtaý salasy - 92, ónerkásip - 202, qurylys - 62, transport jáne logıstıka - 21, mádenıet jáne sport - 55, qyzmet kórsetý salasy boıynsha 1014 bos jumys orny usynyldy. Sonymen qatar, 20 iri kásiporyn óndiriske qajetti mamandar izdedi.
Jalpy, jármeńkege qatysýshylardyń qarasy kóp boldy. Onda qoldaryna endi dıplom alǵan jastar ǵana emes, eresekterdi de baıqaýǵa bolady. Densaýlyq saqtaý, bilim, óndiris salasyna jumys usynǵan mekemeler aldynda jumys izdeýshiler uzyn-sonar kezekte turdy.
Óz kezeginde sala mamandary jumys isteýge nıeti bar jandar úshin Shymkentte jumys kóp dep otyr.
«Sáýir aıynda ótkizilgen jármeńkede 2 myńǵa jýyq bos oryn usynylyp, 520 adamǵa joldama berilgen bolatyn. Sońǵy 7 aıdaǵy qorytyndy boıynsha túrli mekemeler usynǵan bos jumys oryndaryna 7 myń adam ornalasty. «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy» aıasynda kásibı oqytýdy damytý jumystary da júzege asýda. Eńbek naryǵyna daıyn bolýy úshin birinshi jartyjyldyqta 32 mamandyq boıynsha 1739 adamdy 3 aılyq kýrsqa oqýǵa joldadyq», - deıdi Shymkent qalalyq jumyspen qamtý jáne áleýmettik baǵdarlamalar bóliminiń basshysy Baýyrjan Qýanyshbaev.
