Shymkentte ótken marafonǵa alty elden 3 myńnan astam adam qatysty
Salaýatty ómir salty men buqaralyq sportty nashattaý maqsatynda uıymdastyrylǵan sharaǵa qala ákimi Erlan Aıtahanov, ákimdik qyzmetkerleri men kásipqoı sportshylar jáne qala turǵyndary jalpy sany 3 myńnan astam adam qatysty.
Marafonda eń alys qashyqtyq - 42 shaqyrym. Degenmen, óziniń múmkindigin jańadan synap kórýshiler úshin 21, 10 jáne 5 shaqyrym jarys joly saqtaldy.
Qonaev dańǵylynan Bəıdibek bı dańǵyly boıymen Naýryz alańyna deıingi birinshi qashyqtyqty qala ákimimen birge barlyq jastaǵy myńnan astam qatysýshy ońaı júgirip ótti.
Sporttyq sharada sóz alǵan qala basshysy marafonǵa qatysýshylarǵa alǵys aıtyp, shymkenttikterdi salaýatty ómir saltyn ustanýǵa shaqyrdy.
«Elbasy óz joldaýynda 2020 jylǵa deıin halyqtyń 30 paıyzdan astamyn buqaralyq sportqa tartý jóninde tapsyrma bergen bolatyn. Dene shynyqtyrý men sportty damytý - salaýatty ómir saltyn qalyptastyrýǵa, ult densaýlyǵyn jaqsartýǵa, óskeleń urpaqty adamgershilikke tárbıeleýge tikeleı áser etedi. Búgingi marafonǵa shymkenttikterden bólek Ulybrıtanııa, Túrkııa, Majarstan, Reseı, Ózbekstannan da sportshylar qatysyp jatqanyn aıta ketý kerek. Buqaralyq sporttyń damýyna úles qosyp júrgen qala turǵyndary men jastarǵa alǵys aıtamyn»,-dedi qala ákimi quttyqtaý sózinde.
Munan soń qala basshysy jarystyń eń jas jáne eń eresek qatysýshylary men jeńimpazdaryn marapattady.
Dástúrli shara Naýryz alańyndaǵy kontsertpen aıaqtaldy.
