Shymkentte ótken el chempıonatynda batysqazaqstandyq jeńil atletter úsh medaldi ıelendi
ORAL. 30 qyrkúıek. QazAqparat - Shymkent qalasynda 1998-1999 jylǵy jasóspirimder arasynda jeńil atletıkadan el birinshiliginde batysqazaqstandyqtar úsh medaldi ıelendi.
Oblystyq týrızm, dene shynyqtyrý jáne sport basqarmasynan túsken málimetke qaraǵanda, chempıonatqa elimizdegi balalar men jasóspirimder sport mektepteriniń tárbıelenýshilerinen quralǵan barlyǵy 31 komanda qatysty. Batys Qazaqstannan 9 sportshy baryp, sonyń úsheýi júldege ilikti. Atap aıtqanda, 3 myń metrge sporttyq júristen ıAna Chýprakova altynnan alqa taqsa, Aleksandra Pavlyshına qola júldeni ıelendi. Al Marına Solodovnıkova naıza laqtyrýdan ekinshi orynǵa kóterildi.
BQO quramasy jalpykomandalyq esepte 11-orynnan kórindi.
