Shymkentte otbasyndaǵy zorlyq-zombylyqtyń aldyn alýǵa arnalǵan jıyn ótti
Mańyzdy jıynda Jastar resýrstyq ortalyǵynan qurylǵan «Aýtrıch, NEET jastarmen jumys» bóliminiń atqarǵan jumystary aıtyldy, dep habarlaıdy QazAqparat tilshisi.
Basqosýda QR Prezıdenti Qasym-Jomart Toqaevtyń Joldaýy aıasyndaǵy tapsyrmalardyń oryndalý barysy sóz boldy. Otbasyndaǵy zorlyq-zombylyqtyń aldyn alý, ana men bala jəne otbasy músheleriniń zardap shegýiniń aldyn alý máseleleri talqylandy. Bul baǵytta atalǵan joba aıasynda júıeli jumystar júrgizilip jatqany aıtyldy.
Sala mamandarynyń sózinshe, jyl sońyna deıin atalǵan bólim qyzmetkerleri aýqymdy jumystar atqarady. Ár shaǵynaýdan boıynsha turǵyn úılermen áleýmettik nysandar sany, oryn alǵan quqyqbuzýshylyqtar, maskúnemder men jumyssyzdar, jabyq toptardyń naqty aqparattary jınaqtalmaq.
Sondaı-aq, aýdandar boıynsha keleńsiz jaǵdaılardyń aldyn alý jáne oqıǵa bolǵanda habarlama qaldyratyn ortaq chat qurylatyn boldy. Olardyń sany qazirdiń ózinde 51-ge jetip otyr. Osy júıe arqyly qoǵamdaǵy zorlyq-zombylyqtyń aldyn alyp, kúresý kózdelgen.
