Shymkentte otandyq taýar óndirýshilerdiń jármeńkesi ótti
ShYMKENT. QazAqparat - Shymkentte «Atameken» Kásipkerler palatasynyń ókildigi kásipkerlerdi qoldaýdyń taǵy bir jolyn oılap tapty. Palata mamandary «Dúnıejúzilik otandyq ónim» kúnimen oraılastyryp, otandyq ónimderdiń jármeńkesin ótkizdi, dep habarlaıdy QazAqparat tilshisi.
Jármeńkedegi baǵalar naryqtaǵydan 20 paıyzǵa tómen boldy. Oǵan qatysqan 50- ge jýyq kompanııa qala turǵyndaryna azyq-túlik, turmystyq zattardy usyndy. Máselen, saýdaǵa qoıylǵan kúndelikti tutynatyn jýanyń bir kelisi 60 teńgeden satylsa, jergilikti almanyń quny 200 teńgeniń tóńireginde boldy. Uıymdastyrýshylar osyndaı sharalar arqyly kásipkerlerdiń ónimin tanystyryp, oǵan degen suranysty arttyrmaq. Endigi jerde palata aı saıyn eki ret osyndaı jármeńke uıymdastyramyz dep otyr. Sebebi, ońtústikten shyqqan ónimderdi satyp alý arqyly el ekonomıkasyn órkendetý - barshaǵa ortaq is sanalady.
«Bul jerde úlken kompanııalardan bastap kishigirim kásiporyndar da qatysýda. Baǵalary naryqtaǵydan tómen. Sol baǵalarda satylyp jatyr. Ózderińiz kórip otyrǵandaı kompanııalar saýdaǵa qoıǵan taýarlardyń túrleri óte kóp. Kóp bolǵan soń, alýshy da tańdaý jasaı alady»,- deıdi Ońtústik Qazaqstan oblysy Kásipkerlik palatasynyń mamany Aıdana Beısebekova.
