Shymkentte otandyq óndirýshilerdi qoldaý maqsatyndaǵy fleshmob uıymdastyryldy

ShYMKENT. QazAqparat - Shymkent ortalyǵynda otandyq óndirýshilerdi qoldaý úshin fleshmob uıymdastyryldy. Oǵan "Qazaqstanda jasalǵan" degen jazýy bar aq tústi fýtbolka men bas kıim kıgen jastar qatysty.

Jastar fleshmoby "Qazaqstanda jasalǵan" aktsııasyn qoldaý maqsatynda ótti.

"Biz azamattardyń nazaryn otandyq ónimderge aýdyryp, ımporttalǵan taýardyń ornyna jergilikti ónimdi satyp alýǵa tartqymyz keldi", - dedi sharany uıymdastyrýshylardyń biri, Shymkent ákimdigi kásipkerlik bóliminiń bastyǵy Asqar Qanybekov. "Endi elimizde óndiriletin taýarlardy alýǵa tyrysamyn. Sapasyna senýge bolady. Januıamyz buryn da qazaqstandyq sút jáne et ónimderin satyp alatyn, endi ratsıonymyzda otandyq taýarlardyń sany arta túspek", - dedi fleshmob kórermeni Ásııa Beısenbekova. Bir saǵatqa sozylǵan jappaı bı shoýyna stýdentter men belsendi jastar qatysty. Aktsııany QR Investıtsııalar jáne damý mınıstrligi «Jergilikti úlesti damytý boıynsha ulttyq agenttigi» AQ men oblys ákimdigi uıymdastyrdy.