Shymkentte órtengen janarmaı beketi emes, mototsıkl bolyp shyqty
ShYMKENT. QazAqparat - Shymkenttegi janarmaı beketinde mottsıkl órtengeni belgili boldy. Búgin óńirdiń tótenshe jaǵdaılar qyzmeti osyndaı málimet taratty. Departament mamandarynyń sózinshe, beketke janarmaı quıýǵa kelgen mototsıklden órt shyǵyp, sol mezette órtenip ketipti, dep habarlaıdy QazAqparat HAA tilshisi.
Kúndiz jergilikti ýaqyt boıynsha saǵat 12.23-ter shamasynda Shymkent qalalyq órt sóndirý bólimine janarmaı beketinde órt shyqqany týraly aqparat kelip tústi. Oqıǵa ornyna bir tehnıka men tórt adam barǵan. Belgili bolǵandaı, janarmaı beketine kelgen mototsıkl órtenip ketipti. Abyroı bolǵanda jalyn jan-jaqqa taramaı turyp, sóndirildi. Jalyn 12-33-ter shamasynda tolyqtaı aýyzdyqtaldy»,-deıdi OQO TJD bas mamany Zarıpa Turysbekova.
Eske salaıyq, búgin Rysqulov kóshesi men Qonaev dańǵyly qıylysyndaǵy janarmaı beketinen órt shyqqany týraly habar tarady. Órtti kýágerler uıaly telefonǵa túsirip alǵan. Onda beket qyzmetkerleriniń lapyldan janǵan órtti sóndirip jatqandary baıqalady.
