Shymkentte órtengen qurylys nysanynda kúzetshi qaza tapty
ShYMKENT. QazAqparat - Demalys kúni Shymkenttegi qurylys konteınerleriniń birinen órt shyǵyp, oqıǵa ornynda bir adam qaıtys boldy, dep habarlaıdy «QazAqparat» HAA tilshisi TJ departamentine silteme jasap.
Shahardyń órt sóndirý qyzmetine kúndizgi ondar shamasynda qorshalǵan qurylys nysanynan órt shyqty degen habarlama túsedi. Oqıǵa ornyna 2 arnaıy tehnıka men 11 órt sóndirýshi, sondaı-aq ishki ister qyzmetkerleri jetken.
Oblystyq tótenshe jaǵdaılar departamenti baspasóz qyzmetiniń málimetinshe tilsiz jaý 10.40-tar shamasynda aýyzdyqtalyp, tolyqtaı óshirilgen. Aldyn ala boljam boıynsha jalyn aǵashpen qaptalǵan, kúzetshige arnalǵan konteınerden shyqqan. Keıinnen ol jerden kúzetshiniń máıiti tabyldy.
Qazirgi tańda 63 jas shamasyndaǵy er azamattyń qandaı jaǵdaıda qaza tapqany anyqtalýda.
Aınur Aqbaeva
