Shymkentte órtengen 45 kólik: Qylmystyq is qozǵaldy

ShYMKENT. QazAqparat - Shymkentte aıyppul turaǵynda 45 kóliktiń órtenip ketýine qatysty qylmystyq is qozǵaldy. Bul týraly Túrkistan oblystyq ІІD baspasóz qyzmetine silteme jasap QazAqparat tilshisi habarlaıdy.

Departament ókilderiniń habarlaýynsha, qazir bul oqıǵa boıynsha Qylmystyq kodekstiń 202-baby (Bótenniń múlkin qasaqana joıý nemese búldirý) boıynsha is qozǵalyp, sotqa deıingi tergep-tekserýdiń biryńǵaı tizilimine tirkelgen. Tıisti saraptamalar taǵaıyndalyp, tergeý  amaldary júrgizilýde.

Eske salaıyq, keshe túnde  «LTD Turmys» JShS-niń aıypturaǵynda órt bolyp,  joıýǵa arnalǵan 35 avtokólik pen aıyppul salynǵan 10 avtokólik janyp ketken bolatyn. Keıinnen aıyppul turaǵynyń basshylyǵy kólikterdiń shyǵyn óteıtinin aıtty.