Shymkentte órt sóndirýshiler 2 adamdy tilsiz jaýdan qutqaryp qaldy
ShYMKENT. QazAqparat – Shymkentte kópqabatty úıden órt shyǵyp, bir páterdegi turmystyq zattar janǵan. Oqıǵa ornyna jetken órt sóndirýshiler15 adamdy evakýatsııalady, dep habarlaıdy QazAqparat tilshisi.
Qalalyq TJD baspasóz qyzmetiniń málimetinshe, órt búgin tańǵy 8.30 shamasynda oryn alǵan.
«2 qyrkúıek kúni tańǵy saǵat 8:47-de Moldaǵulova kóshesindegi kópqabatty úılerdiń birinen órt shyqqany týraly habar kelip túsken. Turǵyndardyń aıtýynsha, tórtinshi qabattaǵy páterlerdiń biri otqa oranyp, jıhazdar, esik-tereze, kıim-keshek janǵan. Oqıǵa ornyna tótenshe jaǵdaı qyzmetinen 16 adam men 6 tehnıka jetip, órtti sóndirgen. 3 bala men 12 eresek adam qaýipsiz jerge shyǵaryldy. Qutqarýshylar taǵy eki adamdy órt shyqqan páterden aman alyp shyqqan. Qyzyl jalyn 9:15-te aýyzdyqtalǵan. Saǵat 9:45-te tolyq sóndirildi. Órttiń shyǵý sebepteri qazir anyqtalyp jatyr» delingen habarlamada.
