Shymkentte órt sóndirýshi qaýipti aımaqtan gaz ballonyn alyp shyqty
«Shymkent qalasy TJD «101» basqarý pýltine 2023 jylǵy 16 tamyzda saǵat 14.11-de Abaı aýdany Qaınarbulaq saıajaıy Sadovaıa kóshesindegi jeke turǵyn úıde órt shyqqqany týraly habarlama kelip tústi.
Oqıǵa ornyna alǵashqy kelgen órt sóndirý bólimsheleri kólemi 120 sh. m. turǵyn úıdiń shatyry tolyǵymen janyp jatqandyǵyn, sondaı-aq úıdiń ishinde gaz ballon bar ekenin anyqtady», - dedi Shymkent qalasy Tótenshe jaǵdaılar departamentinen.
Tez arada órtti sóndirý, gaz ballondy sýytý jumystary júrgizilip, №1 mamandandyrylǵan órt sóndirý bóliminiń aǵa órt sóndirýshi-qutqarýshysy azamattyq qorǵaý serjanty Nursultan Amangeldiuly Abdýkadırov órtten 50 l gaz ballondy qaýipsiz aımaqqa alyp shyqty.
Órt 14.36-da oqshaýlanyp, 14.54-te sóndirildi. Órtten zardap shekkender men qaıtys bolǵandar joq. Sebebi anyqtalyp jatyr.
Órtti sóndirýge Shymkent qalasy TJD Órt sóndirý qyzmetiniń 11 qyzmetkeri men 2 birlik tehnıkasy, apattar medıtsınalyq ortalyǵy fılıalynyń brıgadasy jumyldyryldy.