Shymkentte órt sóndirýshi eki adamdy janyp jatqan páterden alyp shyqty
Qalalyq TJD baspasóz qyzmetiniń málimetinshe, azamattyq qorǵanys serjanty 5-shi qyrkúıek kúni keshkisin dostarymen birge qonaqtan qaıtyp kele jatqan. Sol kezde turǵyndardyń biri júgirip kelip, olarǵa kópqabatty úılerdiń birinde páter órtenip jatqanyn jetkizedi. Ári onda adamdar qalyp qoıý múmkin ekendigin habarlaǵan. Oqıǵa ornyna jetip barǵan Abzal Jaqybaev dostaryna órt sóndirýshilerdi shaqyrtýdy ótinip, ózi adamdardy qutqarýǵa ketedi. Tórtinshi qabatqa kóterilip, janyp jatqan páterdiń esigin buzyp ashqan. Osy kezde jalyn dálizge barar joldaǵy esikke ótip, páter otqa oranǵan.
«Órt sóndirýshi óziniń kıimin sýlap, jamylyp úıge kiredi. Kórshileri toqtaýǵa tyrysqanymen ol tájirıbesi bar ekenin aıtyp, qoıýy tútinge oranǵan páterden egde jastaǵy áıel adamdy alyp shyǵady. Іshte taǵy bir adamnyń qalǵanyn bilip, ekinshi adamdy da syrtqa alyp shyqqan. Eki turǵyn da zardap shekpepti. Kóp uzamaı oqıǵa ornyna arnaıy avtokólikpen órt sóndirýshiler kelip, jalyndy aýyzdyqtaı alǵan. Órt 20 mınýttyń ishinde tolyq sóndirilgen. Al, araǵa birneshe kún salyp baryp Shymkent qalalyq Tótenshe jaǵdaılar departamentine qutqarylǵan adamdardyń atynan alǵys hat tústi», delingen habarlamada.