Shymkentte órt shyqqan úıden er kisiniń máıiti tabyldy

ShYMKENT. QazAqparat - Shymkentte kópqabatty úıden órt shyǵyp, bir páterdiń jatyn bólmesindegi úı zattary janyp ketken. Órt sóndirý qyzmeti bólmelerdi qaraý barysynda er adamnyń máıitin tapty, dep habarlaıdy QazAqparat tilshisi.

Qalalyq TJD málimetinshe, Qabanbaı batyr kóshesindegi tórt qabatty úıden órt shyqqany týraly habar kúndizgi saǵat 12-00-der shamasynda túsken.

«Oqıǵa ornyna 15 sóndirýshi men 4 tehnıka jumyldyryldy. Órt 12:17-de aýyzdyqtalyp, saǵat 12:27-de tolyq sóndirilgen. Oqıǵa ornynda 1951 jyly týǵan er azamattyń (múgedek) qaıtys bolǵany anyqtaldy. Qazirgi tańda órttiń shyǵý sebepteri tekserilip jatyr»,- delingen habarlamada.

Osyǵan deıin Shymkentte gazdan bes adam ýlanyp, bireýi qaıtys bolǵandyǵy habarlandy.