Shymkentte órt shyqqan kópqabatty úıdiń turǵyndary qaýipsiz jerge kóshirildi
ShYMKENT. QazAqparat – Shymkentte kópqabatty úıdiń kireberisindegi elektr qalqanynan órt shyǵyp, turǵyndar qaýipsiz jerge kóshirildi. Órt sóndirýshiler 25 adamdy syrtqa shyǵaryp, balalardy da qutqaryp qalǵan, dep habarlaıdy QazAqparat tilshisi.
Qalalyq TJD baspasóz qyzmetiniń málimetinshe, Aıbergenov kóshesindegi turǵyn úıde órt shyqqany týraly habarlama keshe túngi saǵat 23:55-te túsken. Oqıǵa ornyna jedel túrde jeke quramnyń 11 órt sóndirýshisi, 3 tehnıka shyqqan.
Olar kelgenshe birinshi qabattaǵy elektr qalqany ashyq otqa oranǵan. Saldarynan turǵyn úıdiń baspaldaq alańdarynda qalyń tútin bolyp, elektr symy janyp ketken.
Órt saǵat 00:11-de aýyzdyqtalyp, 00:24-de tolyǵymen sóndirilgen.
«Tilsiz jaýdan eshkim zardap shekpegen. Departamenttiń anyqtaý bóliminiń mamandary órttiń paıda bolýynyń barlyq jaǵdaılaryn anyqtaýda» delingen habarlamada.
