Shymkentte órt shyqqan kópqabatty úıden 22 adam evakýatsııalandy

ShYMKENT. QazAqparat - Shymkentte kópqabatty úıden órt shyǵyp, tótenshe jaǵdaı oryn alǵan. Úıdiń 2,3 jáne 4-qabattarynda elektr qoraby men elektr eseptegishter órtengen, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, tilsiz jaý kúndizgi saǵat 16:04-te 11-shaǵynaýdanda oryn alǵan. Oqıǵa ornynan órt sóndirýshiler 22 adamdy qaýipsiz jerge evakýatsııalady, onyń ishinde 10 bala.

«Oqıǵa ornyna alǵashqy órt sóndirýshiler 13 mınýt ishinde jetti. Órt sóndirý qyzmetiniń 14 adamnan turatyn jeke quramy men 4 tehnıka jalyndy sóndirdi. Sondaı-aq, oqıǵa ornynda medıtsına qyzmetkerleri jumys istedi. Tilsiz jaý saǵat 16.34-te aýyzdyqtalyp, saǵat 16.39-da tolyq sóndirildi. Órt sóndirýshiler 1943 jyly týǵan er adamdy, 1983 jyly týǵan áıel men 2017 jylǵy búldirshindi qutqaryp qaldy» delingen habarlamada.

Tilsiz jaýdan qaza tapqandar men zardap shekkender joq. Qazirgi tańda órttiń sebepteri anyqtalýda.