Shymkentte órt oqıǵalary 4 paıyzǵa ósken

ShYMKENT. QazAqparat - Shymkentte órt oqıǵalary 4 paıyzǵa ósken. Bul týraly Shymkent qalasy tótenshe jaǵdaı departamentiniń bastyǵy Madıar Jaqsybaev málimdedi, dep habarlaıdy QazAqparat tilshisi.

Órttiń basym kópshiligi turǵyn úı sektorynda jáne avtokólikte bolǵan.

Al, negizgi sebepteri - kóbinde elektr aspaptaryn paıdalaný kezinde órt qaýipsizdigi erejelerin saqtamaý, órt kózderin abaısyz paıdalaný, qysqa tuıyqtalý.

Sondaı-aq, arasynda qasaqana órteý oqıǵalary da kezdesken.

«Tótenshe jaǵdaı departamentiniń bólimsheleri ótken jyly 3676 márte qyzyl jalyn boıynsha shaqyrtýǵa shyqty, 332 adam qutqaryldy. Olar 1 mlrd 489 mıllıon teńgeden astam somanyń zattaryn aman alyp qaldy. Tótenshe jaǵdaı aımaǵynan 57 adamdy evakýatsııalap, 396 adamǵa medıtsınalyq kómek kórsetti. Onyń ishinde 70 bala qutqaryldy»,-dedi Madıar Jaqsybaev.

Foto: Shymkent TJD