Shymkentte «Ordabasy» men «Atyraý» komandalarynyń jankúıerleri tóbelesip qaldy
ShYMKENT. QazAqparat - Fýtboldan Qazaqstan Premer lıgasynyń (QPL) 24 týry aıasynda shymkenttik «Ordabasy» komandasy óz alańynda «Atyraý» fýtbol klýbyn qabyldaǵan bolatyn. Alań ıeleriniń paıdasyna sheshilgen kezdesýden soń shymkenttik jankúıerler men atyraýlyqtar tóbelesip qaldy, dep habarlaıdy QazAqparat HAA tilshisi.
Jankúıerlerdiń bir-birine judyryq ala júgirgeni túsirilgen vıdeo INSTAGRAM áleýmettik jelisinde jarııalanǵan. Alaıda oqıǵanyń qalaı aıaqtalǵany belgisiz.
Degenmen vıdeony kórip shyqqan oqyrmandar ár túrli pikir bildirgen. Oblystyń ІІD ázirge qandaı da bir málimet taratpady. Atyraýlyq jankúıerlerdiń qanshalyqty japa shekkeni týraly aqparat joq.
