Shymkentte onlaın habar taratatyn pornostýdııa anyqtaldy
Shymkentte ınternet arqyly pornografııalyq qyzmet usynýmen aınalysatyn uıymdasqan qylmystyq top ustaldy. Bul týraly polıtsııa departamenti bastyǵynyń orynbasary, polıtsııa polkovnıgi Arman Beısenbaev málimdedi.
«Áleýmettik jelilerge júrgizilgen monıtorıng barysynda ótken jyldyń shilde aıynda bizdiń jedel qyzmetkerler onlaın habar taratatyn pornostýdııany anyqtady. Biz bul aqparatqa qyzyǵýshylyq tanytyp, jarty jyl ishinde barlyq qajetti izdeý sharalaryn júrgizdik. Nátıjesinde Almaty, Nur-Sultan jáne Shymkent qalalarynyń turǵyndaryn anyqtadyq. Sondaı-aq, onyń ishinde 5 Qyrǵyzstan jáne 6 Qazaqstan azamaty bar. Biz olardy úsh megapolıstiń jaldamaly páterlerinde ustadyq. Uıymdasqan qylmystyq toptyń árbir múshesi óz mindetin atqaryp otyrǵan», - dedi ol.
Qazirgi ýaqytta sottyń sheshimimen barlyǵy 11 adam qamaýǵa alyndy. Olardan shamamen 44 myń AQSh dollaryn quraıtyn aqsha, eki qymbat «Toıota Kamrı - 70» jáne bir «Lexus GX 460» kóligi tárkilengen.
«Atalǵan is, QR Qylmystyq kodeksiniń eki baby «uıymdasqan qylmystyq topty uıymdastyrý jáne oǵan basshylyq etý» jáne «kámeletke tolmaǵandardyń pornografııalyq beıneleri bar materıaldardy daıyndaý jáne taratý nemese olardy pornografııalyq sıpattaǵy oıyn-saýyq is-sharalaryna qatysýǵa tartý» boıynsha tirkeldi. Bul qylmystyq topty uıymdastyryp, basqarǵan Qyrǵyzstan azamatyn tintý barysynda odan jáne onyń jerlesterinen esirtki zattaryn tárkiledik», - polıtsııa polkovnıgi.
Belgili bolǵandaı, qaladaǵy jaldamaly páterlerde arnaıy jabdyqtalǵan 10-nan astam veb-porno-stýdııa tabyldy. Onda 50-ge jýyq qyz jumys istegen. Onyń ishinde kámelet jasqa tolmaǵan eki jasóspirim bar.
«Atalǵan veb-porno-stýdııanyń aýdıtorııasynda negizinen shetel azamattary bolǵan jáne qyzmet aqysyn shetel valıýtasymen tólegen. Qazaqstanda naqty ýaqyt rejıminde jumys istegen pornostýdııa alǵash ret anyqtalǵanyn atap ótkim keledi. Búginde bul uıymdasqan qylmystyq toptyń transulttyq sıpatqa ıe bolýy múmkindigin joqqa shyǵarmaımyz. Qazir sotqa deıingi tergep-tekserý amaldary júrip jatyr», - dedi Arman Beısenbaev.