Shymkentte onkologtar 49 jastaǵy azamattyń boıyndaǵy isikti tiliksiz aldy
Operatsııa barysynda mamandar isikti apparattyń kómegimen tiliksiz alyp tastady.
Qala ákimdigi baspasóz qyzmetiniń málimetinshe, naýqastyń ókpesindegi isik flıýrografııalyq tekserý kezinde anyqtalyp, onkologııalyq ortalyqqa joldama arqyly kelgen. Ota jasalǵan kúni-aq naýqas jansaqtaý bólimine emes, birden palataǵa aýystyryldy.
Onkologııalyq ortalyqta eki jyldan beri otany vıdeotorakoskopııalyq ádispen jasaý qolǵa alynǵan. Mundaı otanyń artyqshylyǵy kóp. Naýqas operatsııany jeńil kóteredi jáne asqynýlar óte sırek kezdesedi. Sondaı-aq, naýqas narkotıkalyk analgetıkter qabyldamaıdy.
«Operatsııa bolǵan kúni naýqas ózdiginen júrip, aýrýhanadan 3-4 kúnde úıine shyǵarylady. Osy ádispen jasalǵan otadan keıin naýqas ońaltýdy qajet etpeıdi. Mundaı vıdeotorakoskopııalyq ádis ókpe qýysy organdarynyń qatersiz jáne alǵashqy satydaǵy qaterli isikteri kezinde qoldanylady», -deıdi joǵary dárejeli hırýrg Samat Ismaılov.
Onkologtar qala turǵyndaryna jylyna bir ret foıýrografııalyq tekserýden ótip, ókpeden isik belgileri tabylǵan jaǵdaıda mindetti túrde medıtsına mamannyń keńesine júginý kerektigin eskertedi.