Shymkentte oqýshylarǵa vaktsına salý bastaldy

ShYMKENT. QazAqparat - Búginnen bastap shymkenttik oqýshylarǵa koronavırýsqa qarsy Pfizer vaktsınasyn salý bastaldy. №14 emdeý ortalyǵynyń mamandary mektepterdegi egý beketinde vaktsınatsııalaý jumystaryn júrgizdi,-dep habarlaıdy QazAqparat tilshisi.

Shymkentke Pfizer vaktsınasynyń 46 800 dana mólsherindegi alǵashqy partııasy jetkizilgen bolatyn. Ekpe egiletin turǵyndarǵa qalanyń medıtsınalyq uıymdarynda, al jasóspirimderge bilim berý uıymdarynda ata-anasynyń nemese onyń zańdy ókilderiniń erikti kelisiminen keıin júrgiziledi. Júkti áıelder men bala emizetin analar aýmaqtyq emhanalarda vaktsına saldyra alady.

Al, mektepterde vaktsınatsııalaý jumystaryn júrgizý úshin 140 egý beketi uıymdastyrylǵan.