Shymkentte oqýshylardyń durys tamaqtanýy máselesi talqylandy

ShYMKENT. QazAqparat – Shymkentte «Oqýshylardyń durys tamaqtanýy» men «Densaýlyqty nyǵaıtýǵa yqpal etetin mektepter jobasy» taqyrybynda konferentsııa ótti. Keleli basqosýdy Taýarlar men kórsetiletin qyzmetterdiń sapasy men qaýipsizdigin baqylaý departamententi men Densaýlyq saqtaý basqarmasy jáne Salaýatty ómir saltyn qalyptastyrý ortalyǵy uıymdastyrdy, dep habarlaıdy QazAqparat tilshisi.

Konferentsııaǵa qalalyq bilim berý bóliminiń qyzmetkerleri, qalalyq taýarlar men kórsetiletin qyzmetterdiń sapasyn baqylaý departamentiniń mamandary jáne densaýlyq saqtaý basqarmasynyń ókilderi men mekteptegi medıtsına mamandary qatysty. Kezdesýde mektep oqýshylarynyń densaýlyǵyn jaqsartý maqsatynda engizilgen jobalardy júzege asyrý barysy men onyń artyqshylyǵy, tıimdiligi týraly aıtyldy. Atalǵan joba oqýshylardyń densaýlyǵyn nyǵaıtý men durys tamaqtanýyn, balalar men jasóspirimder arasynda aýrýshańdyq deńgeıin tómendetý maqsatynda jasalǵan. Sondaı-aq, mektep medıtsınasynyń densaýlyqty nyǵaıtýǵa yqpalyn jaqsartýǵa baǵyttalǵan. Búgingi kúni atalǵan joba qalanyń 17 mektebinde iske asyrylýda. Sondaı-aq, konferentsııada Qazaq ulttyq tamaqtaný akademııasy usynǵan oqýshylardyń tamaqtaný ratsıony boıynsha biryńǵaı standarttar týraly aıtyldy. «7-18 jas aralyǵyn bala mektepte ótkizedi. Joǵary aqyl-oı jáne dene júktemelerimen qosa, aǵzanyń qarqyndy somatıkalyq ósýi dál osy ýaqytqa tuspa-tus keledi. Sondyqtan, mektep ashanasynda tamaqtanýdy tıimdi uıymdastyrý óskeleń urpaqtyń densaýlyǵyn durys qalyptastyrýǵa yqpal etedi. Tolyqqandy jáne teńgerimdi tamaqtaný aýrýlardyń aldyn alýǵa, jumys qabilettiligi men úlgeriminiń artýyna, balalar men jasóspirimderdiń dene jáne aqyl-oıdyń damýyna yqpal etedi, olardyń ómirge beıimdelýine jaǵdaı jasaıdy. Mektepterde tórt aptalyq as mázirin ázirleý prıntsıpterge negizdelgen»,- deıdi sala mamandary.