Shymkentte oqýshylardy qorqytyp aqsha alyp júrgender sottaldy
ShYMKENT. 24 qyrkúıek. QazAqparat - Shymkentte qorqytyp oqýshylardan aqsha alyp kelgen 17 jáne 18 jastaǵy eki jigit sottaldy.
Shymkenttiń Ál-Farabı aýdany prokýrorlarynyń málimetteri boıynsha, eresek balalar aqsha ákelýge qarsylyq bildirgen oqýshylardy qorqytyp, tipti qol kóterýge deıin barǵan. Bastapqyda olar oqýshylardan 3 myń teńge suraǵan, alaıda jasóspirimder aqsha bopsalaýshylarǵa 1800 teńge ǵana bergen. Keıin buzaqylar taǵy 4 myń teńge talap etken. Osydan keıin ǵana oqýshylar prokýratýraǵa shaǵymdanyp, kómek suraǵan.
Bopsalaýshylardyń biri 1 jyl alty aıǵa, ekinshisi 1 jylǵa bas bostandyǵynan aıyryldy.
