Shymkentte oqýshylar buryshty ballonnan ýlanyp qalǵan

ShYMKENT. QazAqparat -  Shymkentte mektep oqýshylary buryshty ballon ıisinen ýlanyp qaldy. Keleńsiz jaǵdaı qaladaǵy №47 orta mektepte oryn alǵan, dep habarlaıdy QazAqparat tilshisi.

Qalalyq ІІD-niń málimetinshe,  kolledj oqýshysy ózi oqyǵan mekteptiń oqýshylarymen janjaldasyp qalǵan. Sóıtip olarǵa qaraı buryshty ballon sepkeni anyqtaldy.

«16 qazanda «103» jedel medıtsınalyq kómek qyzmetinen Shymkent qalasyndaǵy mektepterdiń birinde buryshty ballon shashqany týraly habar kelip túsken. Atalǵan  jaıt  boıynsha  QR QK-niń 293 «buzaqylyq» babymen sotqa deıingi tergep-tekserý amaldary júrgizilýde», - delingen habarlamada.

Kýágerler bolsa, janjal mekteptiń ashanasynda bolǵanyn aıtady. Osy mektepti bitirgen kolledj stýdenti bir oqýshyǵa qarata buryshty ballondy sepken. Sol kezde ıisten birneshe oqýshy ýlanyp qalǵan. Olardyń birqatary toksıkologııalyq aýrýhanaǵa jetkizilip, alǵashqy medıtsınalyq kómek kórsetilgen.