Shymkentte oqýshylar BilimLand platformasy arqyly bilim alady

ShYMKENT. QazAqparat – Shymkent mektepterinde tsıfrlyq bilim berý resýrstaryn qoldaný boıynsha BilimLand bilim berý platformasy engizilgen. Búginde 130 mektep onlaın rejimge tolyqtaı qosylyp, tsıfrlyq bilim berý resýrstaryna qosylý úshin bilim uıalaryna 6 481 akkaýnt berilgen, dep habarlaıdy QazAqparat tilshisi.

Qalalyq bilim basqarmasynyń málimetinshe, BilimLand bilim berý platformasy arqyly mektepter bastaýysh synyp kýrstary, gýmanıtarlyq tsıkldegi kýrstar jáne jaratylystaný baǵytyndaǵy pánder boıynsha tsıfrlyq bilim resýrstaryn qoldanýda.

Sonymen qatar, «iTest» UBT daıyndaý baǵdarlamasy boıynsha vırtýaldy keshen, «iMektep» anımatsııalyq sabaqtar men oıyn túrindegi tapsyrmalar oryndaýda. Sondaı-aq, «Twig» mektep baǵdarlamasyna negizdelgen fılmder, mýltımedıalyq materıaldar jáne tapsyrmalar jınaǵyn qoldanýda.

Úshinshi megapolıste 4, 9, 10-synypty oqýlyqpen 100% qamtamasyz etý jáne 1-synyptyń 4 000 oqýshysyna arnalǵan oqýlyq alýǵa 2 mlrd 141 mln teńgeden astam qarajat bólingen. Kitaptardy satyp alý boıynsha 13 baspamen kelisimsharttar jasalyp, qazirgi tańda oqýlyq 100% mektepterge taratyldy.