Shymkentte OQO túrmelerinde shyǵarylatyn taýarlar kórmesi ótti (FOTO)
«Sharanyń negizgi maqsaty - shaǵyn jáne orta bıznes ókilderin sottalǵandar úshin jumys oryndaryn qurýǵa tartý. Shymkent qalasynyń kásipkerleri óndiristi ornalastyrý úshin jumys istemeıtin tsehtardyń bos alańdaryn qarap shyqty. Olarǵa plastık terezelerin, túrli temir-beton materıaldaryn, metall buıymdaryn (qorshaý, qaqpa, qoqys konteınerleri jáne t.b), tigin buıymdaryn (arnaıy kıim, tósek-oryn jabdyqtary jáne t.b.), sondaı-aq nan-toqash ónimderin shyǵaratyn óndiristik tsehtarda jumys isteıtin sottalýshylardyń jasap shyǵarǵan ónimderi kórsetildi», - dep atap ótti aımaqtaǵy QAJ departamentiniń ókili Tursynaı Rahmat.
Kórmege OQO Kásipkerler palatasy, oblys ákimdiginiń kásipkerlerdi damytý basqarmasynyń ókilderi, kásipkerlik qaýymdastyǵynyń qyzmetkerleri, sondaı-aq negizinen qurylys salasynda jumys istep júrgen kásipkerler qatysty.
