Shymkentte nóser jaýynnan kósheler sýǵa tolyp, jurtty ábigerge saldy

 Qala ákimdigi  baspasóz qyzmetiniń  málimetinshe, ondaǵan kóshe men temir jol kópirleriniń asty, turǵyn úıler men ashyq alańdarda osyndaı jaǵdaılar qalyptasqan. Jaryq sónip, baǵdarshamdar istemeı tur, dep habarlaıdy QazAqparat HAA tilshisi.

 Ákimdiktiń málimetinshe Qobylandy, Alpamys batyr, Júsipov, Ótegenov, Tereshkova jáne Tóle bı sııaqty birneshe kóshe sýǵa tolyp ketken. Sonymen qatar Qojanov kóshesindegi turǵyn úı men Lengir tas jolyndaǵy kópirdiń asty, Jańasha monshasynyń ashyq alańdarynda qalanyń kommýnaldyq qyzmeti tarapynan sý sorý jumystary júrgizilýde. Bul sharalardy «LTD-Turmys», «ıÝgdorservıs», «Báıterek L.B», «SMD-Qurylys» mekemeleri atqarýda. Jalpy sany 60 adam men 22 tehnıka, onyń ishinde 10 sý sorǵysh kólikter jumyldyrylǵan. Qum toltyrylǵan 300-deı qap sý basqan aýmaqqa jetkizildi.

 Aıta keteıik, buǵan deıin Tólemetov kóshesinde sý sorý jumystary júrgizilýine baılanysty Báıdibek bı dańǵyly 3 saǵatqa jabylǵanyn habarlaǵan bolatynbyz.