Shymkentte nóser jaýynnan kósheler men aýlalar sýǵa tolyp ketti
ShYMKENT. QazAqparat - Shymkentte nóser jaýynnan kósheler men aýlalar sýǵa tolyp ketti. Jaıaý júrginshiler men kólikter joldan óte almaı, ábigerge túsken, dep habarlaıdy QazAqparat HAA tilshisi.
Bir saǵatqa sozylǵan jaýynnan jınalǵan sý aryqqa syımaı, kósheler men aýlalardy basty. Qyzyl sýdan kólikter áreń qozǵalyp, joldardy aınalyp ótýge májbúr boldy. Aq jańbyr qozǵalysqa da kesirin keltirmeı qoımady. Ásirese, Arǵynbekov, Túrkistan, Temirlan tas joly sııaqty birqatar kóshelerden sý aryqtap aqty. Ázirge qansha úıge sý kirip, shyǵyn kelgeni beımálim. Dese de, nóser jaýynnyń saldaryn turǵyndar áleýmettik jelilerge salǵan.
Al, sınoptıkter bolsa óńirde taıaý kúnderi nóser jaýyn jaýyp, tasqyn bolýy múmkin dep eskertedi. 3-4 sáýirde kún qatty sýytyp, aıaz bolýy múmkin.
