Shymkentte nesıemen baılanysty 40-tan asa alaıaqtyq qylmysqa qatysy bar áıel ustaldy
ShYMKENT. QazAqparat - Shymkentte nesıe alyp beremin dep jurtty aldaǵan áıel ustaldy. Qazirgi tańda polıtseıler seziktiniń 40-tan asa alaıaqtyq qylmysqa qatysy bar ekenin anyqtap otyr, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, Ál-Farabı aýdandyq polıtsııa bólimine onshaqty qala turǵyny aryzdanǵan. Olar tártip saqshylaryna beıtanys áıeldiń «nesıe alyp berýge kómektesemin» dep qomaqty aqshalaryn alyp ketkenin kórsetipti. Jedel izdestirý sharalaryn júrgizgen ishki ister qyzmetkerleri osy qylmysqa qatysy bar degen kúdikpen Qyzylorda oblysynyń turǵynyn ustady. Tergeý barysynda seziktiniń 40-tan astam adamdy aldap, olarǵa 20 mıllıon teńgeden astam shyǵyn keltirgenin anyqtady. Qazirgi tańda kúdikti qamaýǵa alynyp, atalǵan jaıt boıynsha sotqa deıingi tergeý amaldary júrgizilýde.
Aıta keteıik, jyl basynan beri Ál-Farabı aýdanynyń aýmaǵynda alaıaqtyqtyń 50 faktisi ashylǵan. Atalǵan qylmystar negizinen bankten nesıe áperý men oqýǵa túsirý, sondaı-aq, jumysqa turǵyzý sııaqty jaǵdaılarmen baılanysty bolǵan.
