Shymkentte neke saraıy buzylyp jatyr, sebebi suranys az
Shymkent qalasyndaǵy sáýletti ǵımarattyń biri – neke saraıy buzylyp jatyr. Jastar elektrondy túrde nekege turý múmkindigine ıe bolǵandyqtan, mekemege degen suranys azaıyp ketken. Al, mamandardyń sózine súıensek, ınvestorlar bul ǵımaratty qaıta jańǵyrtýdan ótkizip, qonaq úı etpek.
Foto: orda.kz
«Bul – «Bereke-A» korporatsııasyna tıeseli ǵımarat. Ony jeke kásipker óz qarajaty esebinen salǵan bolatyn. Memleketten bul nysandy kútip ustaýǵa qarajat bólingen joq. Endi kásipker neke saraıynyń ornyna qonaq úı salýdy josparlap otyr. Sebebi, qazir qalada qonaq úıge degen suranys artqan», - deıdi Shymkent qalasynyń sáýlet, qala qurylysy jáne jer qatynastary basqarmasy bastyǵynyń orynbasary Nurbol Júnisbekov.
Ǵımarattyń shatyry tolyǵymen buzyldy. Qazir qabyrǵalaryn jańartý jumystary júrgizilip jatyr.
Ashyq kózderden alynǵan foto
Basty foto: orda.kz