Shymkentte Naýryz meıramy 9 kún toılanady
Áz-Naýryz merekesi Shymkentten bastaý aldy. Naýryz aıynda ótetin merekelik is-sharalardy halyqqa habarlap, qulaǵdar etý maqsatynda «Qosh keldiń, Naýryz» kerýeni búgin qala kóshelerin aralady.
Astana dańǵyly alańynan jolǵa shyqqan kerýen qala turǵyndary men qonaqtaryn merekelik is-shara qaı ýaqyttarda bolatyndyǵyn habardar etý úshin qala ortalyqtary arqyly júrip ótti.
Qydyr ata bastaǵan top qalanyń ár tarapynda habarlandyrý aıtyp, kópshilikti Naýryz merekesin qyzyqty atap ótýge shaqyrdy. Kerýenge kezdesken ár adamǵa jarnama-afıshalar arqyly merekelik is-sharalar ótetin jerlerdiń meken-jaıy berildi.
Bıyl Shymkentte naýryznama dástúrin zamanaýı úlgide jańartylyp, toǵyz kún túrli ataýmen merekelenedi. Ár kún ózindik sıpaty, ózindik ereksheliktermen uıymdastyrylmaq.
Atap aıtqanda naýryz aıynyń 13-shi juldyzynda Qoshqar ata ózeniniń boıynda «Kóktem merekesi» bastaý alady. Odan ári «Kórisý kún», «Jaılaý kúni», «Shejire kúni», «Tarıhqa taǵzym kúni», «Igi ister», «Shymyrlyq pen sheberlik», «Zııatkerlik kúni» bolyp jalǵaspaq. Іs-sharalara ıasynda «Ulttyq taǵamdar», «Nauryz Fashion Day» jáne «Gastronom Fest» festıvali uıymdastyrylady.
22 naýryzda «Ulystyń uly kúni Naýryz», «Naýryz Shymqalada» atty is-sharalar ótedi dep josparlanyp otyr. Al, ataýly kúnder 23 naýryzda «Joralǵy kúnimen» aıaqtalady.
