Shymkentte naýqastarmen baılanys jasaǵan 4 adamnan koronavırýs tabyldy

ShYMKENT. QazAqparat - Búgin koronavırýs juqtyrǵan 32 adamnyń tórteýi Shymkent qalasynda tirkeldi, dep habarlaıdy QazAqparat.

Aýrý juqtyrǵandardyń tórteýi Shymkent qalasynda tirkeldi. Barlyǵy da koronavırýstyq ınfektsııa juqtyrǵan adammen qarym-qatynasta bolýyna baılanysty karantındik statsıonarǵa jatqyzylyp, zerthanalyq synama alynǵan.

PTR dıagnostıkalyq zertteý qorytyndysymen COVID-19 dıagnozy naqtylandy. Qazirgi tańda naýqastardyń jaǵdaılary birqalypty. Bekitilgen hattamaǵa sáıkes tıisti em júrgizilýde.

Naýqastarmen qarym-qatynasta bolǵan adamdar anyqtalyp, barlyǵy medıtsınalyq baqylaýǵa alynyp jatyr. Aýrý oshaqtarynda epıdzertteý, dezınfektsııalyq jumystar júrgizilýde.

9 sáýir saǵat 10:00-daǵy jaǵdaı boıynsha qalada COVID-19 koronavırýs ınfektsııasyna shaldyqqan 27 adam bar.