Shymkentte naýqastarǵa oryn joq dep áleýmettik jelide beınerolık taratqan dáriger jaǵdaıdy túsindirdi
Beınerolıkti túsirgen dáriger Arman Hamzın naýqastardyń jaǵdaıyna alańdap, osyndaı áreketke barǵanyn jetkizdi, dep habarlaıdy QazAqparat tilshisi.
«Ózderińizge málim, úsh aıdan beri alǵy shepte jumys istep kelemiz. Bul – óte aýyr. Naýqastardy kórgende, tipti psıhoemotsııalyq jaǵdaılar bolady. Osy oraıda óz densaýlyǵymyz ben otbasymyz úshin de alańdaımyz. Al keshe áleýmettik jelide taraǵan beınerolıkke toqtalsam, dál qazirgi tańda pnevmonııamen aýyrǵan naýqastardyń sany ósti. Bul jaǵdaıdy qalypta ustaý úshin jan-jaqty jumystar júrgizilip, statsıonarlyq ortalyqtar ashylýda. Atalǵan oqıǵa bolar kezde naýqasty ınfektsııalyq aýrýhanaǵa jatqyzý týraly koordınatsııa bergen. Biraq biz aýrýhana aldyna kelgende jedel-járdem kólikteriniń kóbeıip ketkenin kórdik. Infektsııalyq aýrýhanada oryn jetispeýshiligi týyndady. ıAǵnı, bizge dıspetcherlik ortalyq durys baǵyt bermegen. Al naýqas eki jaqty pnevmonııanyń aýyr túrimen aýyrǵan, jaǵdaıy nashar edi. Sol sebepti naýqasty jedel ornalastyrý qajet bolatyn. Osy ýaqytta jaǵdaı ýshyqty. Naýqastyń hali nasharlaı berdi. Onyń ómirine alańdap, beınerolıkke túsirdim. Sodan kóp uzamaı, másele sheshilip, naýqasty qaıda ornalastyrý týraly habarlama keldi. Osy rette bul túsirilimniń áleýmettik jelide tarap, halyqtyń dúrlikkenin qalamaǵanymdy aıta keteıin. Endi aldaǵy ýaqytta mundaı áreketter qaıtalanbaıtynyn jetkize otyryp, keshirim suraımyn!»,– dedi Arman Saıatuly.
Sondaı-aq, beınerolık ıesi bul jaǵdaıdan keıin tańǵa deıin jumys istegenderin jáne sol kúni dıspetcherlik ortalyq qyzmetinde keleńsizdik týyndamaǵanyn aıtty. Bul rette Shymkent qalasynyń ákimi Murat Áıtenov te beınerolıkke baılanysty óz pikirin bildirdi.
«Múmkin dárigerler kináli emes te bolar. Óıtkeni jádel járdem qyzmeti boıynsha shaqyrtýlar keıde saıabyrsyp, keıde kúrt ósip ketedi. Osylaı shaqyrtý tym kóbeıgen jaǵdaıda bolǵan jaıtty halyq durys túsinbeı, «Shymkent qalasyndaǵy aýrýhanalar naýqastarǵa medıtsınalyq kómek kórsete almaı otyr» dep dúrligýde. Biraq áleýmettik jelilerde tarap jatqan bul aqparattar qısynǵa kelmeıdi. Sondyqtan, halyqqa durys aqparattar taratýǵa tyrysamyz», – dedi qala ákimi.
Brıfıng sońynda Shymkent qalalyq Jedel járdem stantsııasy bas dárigeriniń orynbasary Sholpan Ospanova BAQ ókilderi tarapynan beınerolık tóńireginde qoıylǵan saýaldarǵa jaýap berdi.
«Beınerolık boıynsha aıtsam, bul jaǵdaıda jedel járdem kómek kórsetetin qyzmetkerlerdiń jibergen qateligi bar. Búginde atalǵan jaıt jóninde kináliler anyqtalý ústinde jáne olarǵa shara qoldanylady. Osy rette áleýmettik jelilerde Shymkent qalasyndaǵy medıtsınalyq qyzmet kórsetý mamandarynyń qyzmeti boıynsha tarap jatqan keleńsiz aqparattardyń jalǵan ekenin jetkizgim keledi», – Sholpan Qabylqyzy.