Shymkentte múmkindigi shekteýli 50-ge jýyq azamat kásiptik bilim aldy

ShYMKENT. QazAqparat - Shymkentte múmkindigi shekteýli 50-ge jýyq azamat kásiptik bilim alyp shyqty. Qysqa merzimdi kásiptik oqytýǵa qatysqan turǵyndarǵa arnaıy kýálikter tapsyryldy, dep habarlaıdy QazAqparat tilshisi.

Jarymjan jandar úsh aı kóleminde elektrondy esepteý mashınalary operatory mamandyǵyn meńgerdi. «Eńbek» nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy» aıasynda bilim alǵandar jumysqa da tartyla bastady. Aıta keteıik, Shymkent qalalyq jumyspen qamtý ortalyǵy jyl basynan beri qysqa merzimdi kásiptik oqytýǵa 2 myńǵa jýyq adamdy joldanǵan. Olardyń arasynda 83-i múmkindigi shekteýli azamattar bolyp tabylady. Joldamamen bilim alǵandar tiginshi, aǵash ustasy, manıkıýr sheberi, kassır, EVM operatory sııaqty naryqta suranysqa ıe mamandyqtaryn meńgergen. Óz kezeginde ortalyq qyzmetkerleri atalǵan baǵdarlama aıasynda myńǵa tarta múmkindigi shekteýli azamatty jumyspen qamtýdy josparlap otyr.