Shymkentte muqtaj otbasylarǵa 44,2 mlrd teńge ataýly áleýmettik kómek taǵaıyndaldy

ShYMKENT. QazAqparat – Shymkentte ataýly áleýmettik kómekke muqtaj otbasylarǵa memleket tarapynan bóolningen qarjylar kezeń-kezeńimen berilip keledi. Jyl basynan beri 81 myńǵa tarta otbasydan ótinish túsken bolsa, 58 myńnan asa otbasyǵa 44,2 mlrd teńge taǵaıyndalǵan, dep habarlaıdy QazAqparat tilshisi.

Qalalyq jumyspen qamtý jáne áleýmettik qorǵaý basqarmasynyń málimetinshe, ataýly áleýmettik kómek alýǵa ótinish bildirgen 13 211 otbasynyń qujattary keri qaıtarylǵan. Bul ótinish tapsyrǵan barlyq otbasylardyń 26% quraıdy. Óz kezeginde sala mamandary bıylǵy jyly qabyldanǵan ótinishterdiń sany ótken jylmen salystyrǵanda 6,7 esege artqanyn aıtyp otyr.

Qazirgi tańda 50 794 otbasyǵa nemese 253 970 adamǵa 16,8 mlrd teńge tólengen. Sonymen qatar qalalyq máslıhattyń sheshimine sáıkes az qamtamasyz etilgen azamattarǵa bir rettik áleýmettik kómek tıisti talaptarǵa sáıkes tólenedi. ıAǵnı, otbasynyń tabysy jan basyna shaqqanda 2 AEK-ten (5 050 teńgeden) aspaǵan jaǵdaıda 40 AEK (101 000 teńge) beriledi. Jergilikti bıýdjetten atalǵan kómekke 1000 otbasyǵa 101,0 mln teńge tólenip úlgergen.

Al, 1 maýsymda «Balalardy qorǵaý kúnine» 18 jasqa deıingi múgedek balalarǵa bir rettik 5 AEK-ten nemese 5 656 balaǵa 12 myń teńgeden áleýmettik kómek berilgen.