Shymkentte muǵalim mekteptiń shatyrynda asylyp qaldy
Qarataý aýdandyq prokýratýrasynyń málimetinshe, polıtsııaǵa habar 26 qyrkúıek kúni saǵat 17.43-te túsken.
Anyqtalǵandaı, 58 jastaǵy azamat I. Mártóbe aýylyndaǵy №27 mektepte on jyldan beri matematıka páninen sabaq berip kelgen. Onyń otbasy músheleri de, atap aıtqanda, 55 jastaǵy áıeli, 33 jastaǵy uly men kelini osy bilim mekemesinde muǵalim bolyp isteıdi. Uly mektep dırektorynyń tárbıe isi jónindegi orynbasary ekeni anyqtaldy.
Shatyrda asylyp turǵan azamat I.-di týysqan inisi kórgen. Keıinnen polıtsııa shaqyrǵan. Oqıǵa ornyna jetken tártip saqshylary marqumnyń denesinen zorlyq-zombylyq belgilerin tappady. Qazir birneshe sot-medıtsınalyq saraptama taǵaıyndalyp, tergeý amaldary júrgizilýde.
«Atalǵan derek Qylmystyq kodekstiń 105-baby 1-bóliginde («Óz-ózin óltirýge deıin jetkizý») kórsetilgen qylmystyq quqyqbuzýshylyq belgileri boıynsha Shymkent qalalyq Іshki ister basqarmasy Qarataý aýdandyq polıtsııa bóliminde sotqa deıingi tergep-tekserýdiń biryńǵaı tizilimine tirkeldi», - delingen Qarataý aýdandyq prokýratýrasynyń habarlamasynda.