Shymkentte motoshabandozdardyń esten ketpes shoýy ótti
ASTANA. QazAqparat - Shymkentte motosherý maýsymy aıaqtaldy. Maýsymnyń jabylý rásimine Qazaqstan men kórshi memleketten 150-den astam baıker qatysty, dep habarlaıdy QazAqparat «Tvk-uko» telearnasyna silteme jasap.
Aldymen bir top baıker dástúrli túrde qalanyń ortalyq kóshelerimen júrip ótti. Motosherýdiń jabylý saltanatyna oraı uıymdastyrylǵan baǵdarlamanyń ereksheligi kóp. Tanymal sporttyq ujymdar men bı toptary kópshilikke ónerlerin pash etti. Bıyl alǵash ret shashtarazshylar shoýy ótkizildi. Stılıster jınalǵandar arasynan eriktilerdi tańdap alyp, sahnada olarǵa jarasymdy obrazdy keltirdi. Al baıkerler arnaıy jasaqtalǵan alańda eki aıaqty kólikti sheber tizgindeýdiń ónerin kórsetti.
Keıin kelýshiler qaz-qatar tizilgen mototsıldarmen sýretke túsý múmkindigin aldy.
Bıylǵy motosherý maýsymynyń jabylýyna shymkenttik baıkerler ǵana emes, elimizdiń barlyq qalalary men ózge kórshi memleketten qonaqtar keldi.
