Shymkentte MKD qyzmetkeri oıynhana uıymdastyrǵandarǵa «qamqorlyq» jasaǵan
Atalǵan departamenttiń baspasóz qyzmetiniń habarlaýynsha, Іshki qaýipsizdik basqarmasy Shymkent qalasy aýmaǵynda zańsyz oıyn bıznesin uıymdastyrý faktisi boıynsha G.Qońyrbekov, A.Begalıeva jáne L.Rahmatýllınalar kúdikti dep tanylǵan. Alaıda 2015-2016 jyldary sotqa deıingi tergep-tekserý barysynda atalǵan tulǵalar ózderiniń qylmysyn jasyrý úshin atalǵan qylmys boıynsha kináni V.Geıger jáne R.Igamberdıev esimdi azamattarǵa moıyndatqan. Olar tipti qylmystyq jaýapkershilikke tartylyp, sottalǵandyǵy anyqtaldy.
Artynsha qylmystyq is materıaly sotta qaralyp, nátıjesinde kúdiktiler E.Qońyrbekov, A.Begalıeva jáne L.Rahmatýllınalar sottaldy. Al, kinásiz sottalǵandarǵa qatysty sot úkimderiniń kúshi joıyldy. Tergeý kezinde atalǵan departamenttiń Ekonomıkalyq tergeý qyzmetiniń aǵa ofıtseri M.Asqaruly negizgi oıynhana uıymdastyrýshylardyń qylmystyq áreketterine «qamqorlyq» jasap kelgeni belgili boldy. Ol qylmystyq is materıaldary boıynsha dáleldemelerdi burmalaý faktisi boıynsha kinásin moıyndaǵan. Nátıjesinde Memlekettik kirister departamentiniń qyzmetkerine qatysty 3 jylǵa bostandyǵyn shekteý týraly úkim shyǵaryldy.