Shymkentte «Mindetti áleýmettik medıtsınalyq saqtandyrý» taqyrybynda semınar ótti
Departament basshysy mindetti áleýmettik medıtsınalyq saqtandyrý (MÁMS) – bul halyq densaýlyǵyn qorǵaý salasynda halyq múddesin áleýmettik turǵyda qorǵaıtyn memlekettik júıe ekendigin jáne MÁMS júıesiniń qatysýshylaryna der kezinde, qoljetimdi, sapaly medıtsınalyq jáne dári-dármektik járdem kórsetýdi qamtamasyz etetindigin atap ótti. Basshy óz sózinde mindetti áleýmettik medıtsınalyq saqtandyrý júıesi arqyly medıtsınalyq kómektiń qol jetimdi bola túsetinin atap, sonymen qatar bul baǵyttaǵy túsindirý jumystaryn toqtatpaý kerektigin eskertti. Saqtandyrý júıesiniń mańyzyn tolyq túsine bermeıtin halyq toptary arasynda, medıtsınalyq saqtandyrýdyń mańyzyn jete túsindirý jumystaryn júrgizý qajettiligin aıtty. Osy maqsatta sala qyzmetkerlerine «Áleýmettik medıtsınalyq saqtandyrý qory» kommertsııalyq emes aktsıonerlik qoǵamynyń Shymkent qalasy boıynsha fılıalynyń halyqty aqparattandyrý jáne ótinishterdi qaraý jónindegi bólim basshysy Beden Ahmet Sısenbaıuly «Álemde ınfektsııalyq emes aýrýlardyń ósýimen, jańa medıtsınalyq tehnologııalardy endirýmen jáne egde jastaǵy halyq sanynyń artýymen baılanysty ózgerister beleń alyp keledi. Halyqaralyq tájirıbede MÁMS endirý joǵaryda atalǵan talapqa jaýap beredi jáne densaýlyq saqtaý salasynyń qarjylyq turaqtylyǵyn qamtamasyz etedi» deı kele, Qazaqstannyń qazirgi júıesi mundaı talapqa daıyn bolýy jáne bolyp jatqan ózgeristerge der kezinde áreket etý qajettiligin atap, sonymen qatar MÁMS júıesinde memleket kepildik bergen tegin medıtsınalyq kómek sheńberinde qandaı qyzmet túrleri bar ekendigin atap ótti. Mindetti áleýmettik medıtsınalyq saqtandyrý júıesin engizýdiń medıtsınalyq qyzmetkerlerge, halyqqa, medıtsınalyq uıymdarǵa berer paıdasyn atap, aýdarymdar men jarnalar jınaýdyń júrgizilý joldaryn, MÁMS jaǵdaıynda medıtsınalyq qyzmet sapasyn baǵalaý qalaı júzege asyrylatynyn túsindirdi, sonymen qatar jınalysqa qatysýshylardy qyzyqtyrǵan suraqtarǵa jaýap berdi.
