Shymkentte meıramhana otqa orandy
ShYMKENT. QazAqparat - Shymkentte meıramhana otqa orandy. «Altyn ana» saltanat saraıynyń órtenip jatqan sáti tez arada álemettik jelilerge tarady, dep habarlaıdy QazAqparat tilshisi.
Kýágerlerdiń aıtýynsha, toıhana sanaýly mınýttardyń ishinde órtke oranǵan. Tilsiz jaý ǵımarattyń janyndaǵy dúken men dárihanaǵa taralǵan. 18 móltekaýdan mańyndaǵy Rysqulov kóshesiniń boıynda ornalasqan toıhanadaǵy jalyndy aýyzdyqtaýǵa órt sóndirýshiler men segiz tehnıka jumyldyrylǵan. Sondaı-aq, órtti sóndirýge tótenshe jaǵdaılar qyzmetiniń mamandary da shaqyrtyldy.
Bastapqy boljam boıynsha órtten eshkim zardap shekpegen. Oblystyq TJD bastyǵy Nurbolat Derbisov osy oqıǵa boıynsha tolyqqandy aqparat keıin taratylatynyn málimdedi.
