Shymkentte meıramhana órtenip ketti
ShYMKENT. QazAqparat - Búgin Shymkentte «Garaj» meıramhanasynan órt shyǵyp, ǵımarattyń ústińgi qabaty órtenip ketti, dep habarlaıdy QazAqparat tilshisi.
Oqıǵa ornyna ondaǵan órt sóndirýshiler men arnaıy tehnıka jumyldyrylyp, aýmaqta barlyq qaýipsizdik sharalary júrgizildi. Tilsiz jaýdy aýyzdyqtaýda 12 tehnıka men 2 sý tasymaldaýshy kólik qoldanyldy.
QR ІІM Tótenshe jaǵdaılar komıtetiniń resmı ókili Rýslan Imanqulovtyń aıtýynsha, órt tús aýa shyqqan.
«11-shi mamyr kúni Shymkent qalasyndaǵy Respýblıka dańǵyly 12 a úıle ornalasqan 1,5 qabatty «Garaj» meıramhanasynan órt shyqty. Órtten 2 adam qutqaryldy. Jalynnyń aýmaǵy anyqtalyp jatyr. Órt 16.58-de tolyqtaı sóndirildi»,- dedi Rýslan Imanqulov.
Órttiń beınekórnisteri men sýretteri de áleýmettik jelilerge tez tarap ketti. Qalanyń órt sóndirýshilerdiń júıeli jumystarynyń arqasynda tilsiz jaý tolyqtaı aýyzdyqtaldy. Tilsiz jaýdan zardap shekkender joq. Al, materıaldyq shyǵyn kólemi anyqtalatyn bolady.
V Shymkente gorıt kafe Garaj _____ ⠀ V Shymkente týshat sılnyı pojar v kafe «Garaj» po prospektý Respýblıkı. ⠀ Na meste ChP rabotaıýt pojarnye. Prıchıny pojara poka neızvestny. ____ #shymkentonline #shymkent #shymkent
