Shymkentte meshittegilerdiń qaltasyna túsken ury ustaldy
ShYMKENT. QazAqparat - Shymkent qalasynda ál-Farabı aýdanynyń polıtsııa qyzmetkerleri jyl basynan beri jedel-izdestirý sharalaryn júrgizý barysynda 50-ge tarta urlyqty ashty. Bótenniń múlkin ıemdengen bes qalta urysyn qolǵa túsirdi, dep habarlaıdy QazAqparat tilshisi.
Qolǵa túskenderdiń biri oblys ortalyǵyndaǵy meshitterde urlyqpen aınalysyp júrgen. Ol kezekti bir qylmys jasaý kezinde 27 jastaǵy jábirlenýshiniń qaltasynan 30 myń teńgeniń uıaly telefonyn qoldy etken. Osy kezde ony polıtsııa qyzmetkerleri ustap aldy.
Qazirgi ýaqytta kúdiktiniń shamamen 20 urlyqqa qatysy barlyǵy anyqtalyp otyr. Atalǵan jaıt boıynsha sotqa deıingi tergeý amaldary júrgizilýde.
Foto: ibirzha.kz
