Shymkentte «Mersedes» qaǵyp ketken bala jansaqtaý bóliminde jatyr
ShYMKENT. QazAqparat - Shymkentte 12 jasar balany kólik qaǵyp ketti. Qazir aýyr jaraqat alǵan jetkinshek oblystyq balalar aýrýhanasynyń jansaqtaý bóliminde jatyr, dep habarlaıdy QazAqparat tilshisi.
Jol-kólik oqıǵasy 11-shi maýsym kúni Arǵynbekov pen Jibek joly kósheleriniń qıylysynda oryn alǵan bolatyn. «Mersedes» kóligi jolda oınap júrgen balany qaǵyp ketken. Qazir bul oqıǵa boıynsha óńirdiń ІІD anyqtaý sharalaryn júrgizýde.
«Ońtústik Qazaqstan oblystyq ІІD Anyqtaý basqarmasymen jaıaý júrginshini qaǵyp ketýge qatysty sotqa deıingi tergeý amaldary bastaldy.
11 maýsymda Shymkent qalasyndaǵy kóshelerdiń birinde «Mersedes» avtokóliginiń júrgizýshisi kámelet jasqa tolmaǵan balany qaǵyp ketti. JKO nátıjesinde ártúrli dene jaraqatyn alǵan bala jansaqtaý bólimine jetkizildi.
Jaıaý júrginshini qaǵyp ketý jaıty boıynsha QR QK-niń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» babymen ІІD sotqa deıingi tergeý amaldary bastaldy. Júrgizýshige qatysty májbúrli túrde kelý týraly protsessýaldyq mindetteme alyndy. Saraptamalar taǵaıyndaldy, nátıjesinde protsessýaldyq sheshim qabyldanatyn bolady» delingen Oblystyq ІІD baspasóz qyzmetiniń habarlamasynda.
