Shymkentte memlekettik-jekeshelik áriptestik sheńberinde 219 kópqabatty úıdiń aýlacy abattandyrylǵan

ShYMKENT. QazAqparat – Shymkentte jalpy sany 1 252 kópqabatty turǵyn úıdiń aýlalary bar bolsa, olardyń 52 paıyzy abattandyrylǵan. Aǵymdaǵy jyly memlekettik-jekeshelik áriptestik sheńberinde 219 kópqabatty turǵyn úılerdiń aýlalary abattandyrylǵan, dep habarlaıdy QazAqparat tilshisi.

Qala ákimi Erlan Aıtahanovtyń aıtýynsha, keler jyly shaharda aýqymdy is-sharalardyń josparlanýyna baılanysty abattandyrý jáne tazalyq máselesine asa mán beriletin bolady.

«2020 jyly jańadan 4 saıabaqtyń qurylysy júrgiziletin bolady. Olar: Buryńǵy qoqys polıgony aýmaǵynda, Ákimshilik-iskerlik ortalyǵy, №1 avtojol boıynda jáne Qasiret memorıalynyń janynda. Qoshqar ata ózeniniń jaǵalaýy abattandyryp, kópshilik demalys aımaǵyna aınalady. Shámshi Qaldaıaqovtyń 90 jyldyǵyna oraı, »Shámshi alleıasy« qaıta qurýdan ótedi. Kól aýmaǵyndaǵy fontan da zamanaýı úlgide qaıta qurýdan ótetin bolady. Al, Tashkent, Túrkistan jáne Bozaryq baǵyttaryndaǵy qalaǵa kire beris joldardyń boıy abattandyrylady»,- dedi Erlan Aıtahanov.

Sondaı-aq, qalada 176 negizgi kóshe jaryqtandyrylǵan. Kelesi jyly shalǵaı eldi mekenderde ornalasqan 39 kóshe jaryqtandyrylady dep kútilýde. 2020 jyly ár aýdanǵa 1 mlrd teńgeden qarjy berilmek. Bul qarjyǵa kópqabatty turǵyn úı aýlalarynda 163 oıyn jáne 79 sport alańshalary jóndeledi. Nátıjesinde, 2020 jyly abattandyrylǵan aýlalar sany 80 paıyzǵa jetedi.